Խորհրդարանում շարունակում են քննարկել «Կուսակցությունների մասին» օրենքի նախագիծը։ ԱԺ փոխխոսնակ Էդուարդ Շարմազանովի դիտարկմամբ՝ բազմաթիվ խնդիրներ կան։ Առաջինն այն է, որ կուսակցությունների կայացման համար պետք է ստեղծել հավասար հնարավորություններ, երկրորդ՝ պետք է ապահովել ազատ մրցակցություն բոլոր կուսակցությունների համար:
Երրորդ՝ Ըստ Շարմազանովի՝անհրաժեշտ են հնարավորինս արագ ընդունել օրենք, որը կբացառի արհեստական բյուրոկրատական գործելաոճը և քաշքշուկը: «Մենք պետք է կարողանանք գնալ ազատակաացման ճանապարհով: Նոր հեծանիվ պետք չի ստեղծել, կա բավական հաջողված փորձ, ու Հայաստանի համար մենք պետք է դիտարկենք հետխորհրդային երկրների փորձը»,- մանրամասնեց նա:
Շարմազանովի համոզմամբ՝ անհրաժեշտ են նաև սահմանափակումներ՝ ողջամտության սահմաններում. «Այսինքն՝ եթե մենք ուզում ենք զբաղվել քաղաքականությամբ, և ես ու պարոն Բաղդասարյանը որոշում ենք կուսակցություն ստեղծել 2-ով, դա բավարար չէ: Դրա համար կա հասարակական կազմակերպություն, մենք պիտի կարողանանք հասարակական կազմակերպությունն ու գարեջրասերների միությունը տարբերակել կուսակցությունից։ Մենք պետք է աստիճանաբար գնանք զգուշավոր փոփոխության ճանապարհով։ Այն կուսակցությունները, որ գոնե 2-3 գումարման Ազգային ժողովի ընտրությունների չեն մասնակցում, պետք է ինքնալուծարվեն»:
Մանրամասները՝ տեսանյութում:
