Ինչպես արդեն տեղեկացրել ենք, բրազիլացի հարձակվող Նեյմարը նոր պայմանագիր է ստորագրել կատալոնական «Բարսելոնա»-ի հետ։ Ըստ նոր պայմանագրի՝ Նեյմարի տարեկան աշխատավարձը կազմելու է 32․5 մլն եվրո։ Այս մասին տեղեկացնում է AS-ը։
Այսպիսով՝ աշխատավարձի չափով Նեյմարը «Բարսելոնա»-ում զիջում է միայն Լիոնել Մեսսիին (39․5 մլն)։
Աշխարհի ամենաբարձր վարձատրվող ֆուտբոլիստների եռյակում է նաև Մադրիդի «Ռեալ»-ի առաջատար Քրիշտիանու Ռոնալդուն, որի տարեկան աշխատավարձը շուրջ 40 մլն եվրո է։ Ռոնալդուն շուտով նոր պայմանագիր է կնքելու։
Նոր պայմանագրում սահմանված է Նեյմարի հրաժարագինը։ Առաջին տարում այն կազմելու է 200 մլն եվրո, երկրորդ տարում՝ 222 մլն, երրորդ տարուց սկսած՝ 250 մլն։ Պայմանագրի ժամկետը լրանալու է 2021թ․։
