ՀՀ ԱՆ «Կոշ» քրեակատարողական հիմնարկի աշխատակիցները հունիսի 24-ին՝ ժամը 14:35-ի սահմաններում, օպերատիվ տվյալներն իրացնելով, դատապարտյալ Մ. Կ.-ին տեսակցության եկած եղբոր անձնական խուզարկությամբ վերջինիս մոտ եղած ծխախոտի գլանակների միջից հայտնաբերել և առգրավել են երեք գրամ ընդհանուր քաշով կանեփանման կանաչ զանգված:
Ինչպես «Առաջին լրատվական»-ին տեղեկացրին ՀՀ ԱՆ ՔԿՎ հանրային կապերի բաժնից, հայտնաբերվածն ուղարկվել է դատաքիմիական փորձաքննության: Նախապատրաստվում են նյութեր:
Հունիսի 28-ին` ժամը 17:30-ի սահմաններում, ՀՀ ԱՆ «Կոշ» քրեակատարողական հիմնարկի աշխատակիցները, օպերատիվ տվյալներն իրացնելով, դատապարտյալ Վ. Մ.-ի համար քաղաքացի Տ. Կ.-ի կողմից բերված հանձնուքի միջից հայտնաբերել են բջջային հեռախոսի 4 մարտկոց, 3 էկրան, 3 ականջակալ, 3 բաժանորդային քարտ, 2 հիշողության կրիչ, բջջային հեռախոսի 10 լիցքավորիչ և 16 բջջային հեռախոս:
Փաստի առթիվ նախապատրաստվում են նյութեր:
