Չեմպիոնների Լիգայի գավաթի խաղարկության կիսաեզրափակիչում 7:0 ընդհանուր հաշվով պարտություն կրելուց հետո «Բարսելոնա»-ի նախագահ Սանդրո Ռոսելը հայտնել է, որ «Բավարիա»-ն լավագույն թիմն է Եվրոպայում:
«Շնորհավորում եմ «Բավարիա»-ին, քանի որ նրանք զգալիորեն հզոր էին և արժանի էին հաղթանակի: Մենք պարտվել էինք դեռևս Մյունխենում: Իհարկե, Լիոնել Մեսսիի բացակայությունն աննկատ չմնաց, սակայն մյուս ֆուտբոլիստներն արժանապատվորեն ընդունեցին մարտահրավերը: Հպարտանում եմ թիմով, ակումբի ողջ անձնակազմով ու երկրպագուներով:
«Բավարիա»-ն Եվրոպայի ուժեղագույն թիմն է: Մյունխենյան ակումբը կնվաճի Չեմպիոնների Լիգայի գավաթը: Իսկ մենք կսպսենք մինչև հաջորդ մրցաշրջանի մեկնարկը»,- ասել է Ռոսելը խաղից հետո:
Հավելենք, որ Չեմպիոնների Լիգայի գավաթի խաղարկության եզրափակիչ «Բավարիա»-«Բորուսիա» հանդիպումը կկայանա մայիսի 25-ին` Լոնդոնի «Ուեմբլի» մարզադաշտում:
