Լոնդոնի «Չելսի»-ի գլխավոր մարզիչ Ժոզե Մոուրինյոն ի վերջո որոշել է խոսել: Ինչպես արդեն տեղեկացրել ենք, Մոուրինյոն «Լիվերպուլ»-ի հետ խաղից հետո միայն երկու հարցի էր պատասխանել:
«Ես ավելի շատ գերադասում եմ լսել, քան խոսել: Կան բաներ, որ մեզնից չեն կախված: Ավելացված 2 րոպեները…(1-ին խաղակես – խմբ.) Մենք բաց ենք թողնում գնդակ ավելացված ժամանակի 2-րդ րոպեի 35-րդ վայրկյանին:
Մյուս բոլոր որոշիչ պահերը տեղի ունեցան երկրորդ խաղակեսում: Ամբողջ մարզադաշտը դա տեսավ, իսկ ֆուտբոլիստները ոչ միայն տեսան, այլև զգացին:
Որոշ ֆուտբոլիստներ շատ հոգնած են. մենք դա տեսնում ենք խաղ առ խաղ, և ես նրանց մեծ հարգանքով եմ վերաբերվում:
Դուք՝ բոլոր լրագրողներդ, խելացի տղաներ եք: Եթե դուք ցանկանում եք գրել վիճահարույց դրվագների մասին, ապա գրում եք: Մյուս մամուլի ասուլիսին ես ձեզ համար լավ ակնոցներ կբերեմ. միգուցե դուք ավելի լավ տեսնեք խաղը»,- Մոուրինյոյի խոսքն է փոխանցում «Goal.com»-ը:
Նշենք, որ ԱՊԼ-ի 11-րդ տուրից հետո «Չելսի»-ն 15-րդ հորիզոնականում է:
