ԵԱՀԿ Մինսկի խմբի ամերիկացի համանախագահ Ջեյմս Ուորլիքը Twitter-ի իր միկրոբլոգում հերթական գրառումն է արել հայ-ադրբեջանական սահմանին տիրող լարված իրավիճակի կապակցությամբ։
Ուորլիքը հրապարակել է ԼՂՀ-ի ուղղությամբ արձակված ականանետային արկի լուսանկարը և գրել. «Սա 120 միլիմետր տրամաչափի արկ է, որն առկա տեղեկատվության համաձայն՝ կիրառվել է Ղարաբաղյան հակամարտության ժամանակ։ Նմանատիպ սրացումն անընդունելի է»։
Հիշեցնենք, որ սրանից առաջ էլ Ուորլիքը գրել էր. «Երկուսն էլ` Հայաստանը և Ադրբեջանը, հայտարարում են ականանետների և ծանր զինատեսակների կիրառման մասին: Եթե ճշմարիտ է, վտանգավոր լարվածություն է: Մենք պետք է աշխատենք` հանուն Լեռնային Ղարաբաղի խաղաղության»։
