Հետծննդյան դեպրեսիան այլևս չի հանդիսանում միայն մայրերին հատուկ խանգարում: Օքսֆորդի համալսարանի գիտնականները պարզել են, որ առաջնեկի աշխարհ գալուց հետո, տղամարդկանց 10 տոկոսի մոտ առաջ է գալիս դեպրեսիայի նշաններ:
Ինչպես հաղորդում է MedikForum-ը, դեպրեսիան տղամարդկանց մոտ առաջանում է նյութական վիճակի մասին անհանգստանալուց, կնոջ հետ փոխհարաբերության փոփոխումից, որովհետև նրանք ավելի շատ ուշադրություն են դարձնում երեխային, քան ամուսնուն, կամ անլիարժեքության կոմպլեքսից, որովհետև նրանք իրենց համեմատում են այնպիսի իդեալական հայրերի հետ ինչպիսիք են Դեյվիդ Բեքհեմը և Բրեդ Փիթը:
Հետազոտության հեղինակները նշում են, որ շատ ժամանակ հայրերի հոգեբանական վատ վիճակը խանգարում է նրանց զգացմունքային կապ հաստատել երեխայի հետ: Միաժամանակ, տղամարդկանց շատ քիչ մասն է դիմում հոգեբանի օգնությանը:
