«Էլ կլասիկո»-ների ժամանակ Մադրիդի «Ռեալ»-ի ու կատալոնական «Բարսելոնա»-ի կենտրոնական պաշտպաններ Պեպեն ու Խերարդ Պիկեն հաճախ են վիճաբանում: Վերջին «կլասիկո»-ն այդ առումով բացառություն էր:
Ավելին, դրվագներից մեկում Պիկեն ու Պեպեն ջերմ առանձնազրույց ունեցան, ինչը չվրիպեց տեսախցիկների հորիզոնից: Պիկեն Metro –ի հետ զրույցում որոշ մանրամասներ է հրապարակել առանձնազրույցից:
«Անկյունայինի խաղարկումից հետո նա մոտեցավ ինձ ու հարցրեց՝ ինչպե՞ս է նորածին փոքրիկս, ինչպե՞ս եմ կատարում հայրական պարտականություններս: Իմիջիայլոց, գրեթե նույն կետում, որտեղից գոլ խփեց Ռոնալդուն, նույն հարցը տվել էր նաև մրցավար Մատեո Լաոսը»:
Հիշեցնենք, որ փետրվարի վերջին լույս աշխարհ էր եկել Պիկեի երկրորդ որդին՝ Սաշան:
