Թես Հոլիդեյը, ով նորաձևության աշխարհում ամենախոշոր մոդելներից մեկն է, դարձել է Monif Clarke բրենդի գովազդային արշավի դեմքը, հաղորդում է E!Online-ը: Աղջիկը ցուցադրել է Sea by Monif C լողազգեստների գիծը, որոնք նախատեսված են 48-60 չափսեր ունեցողների համար:
Բրենդի ներկայացուցիչները խոստովանել են, որ դա նման մոդելի հետ իրենց աշխատանքային առաջին փորձն է:
Թեսը, ով 118կգ է կշռում, խոստովանել է, որ նրան դուր է եկել արտադրանքը, որը նա գովազդում է. «Ինձ դուր եկավ, որ այս լողազգեստներն իրոք մշակված են plus-size չափս ունեցող կանանց համար: Դիզայներները ոչ միայն առաջարկում են այն, ինչ հարկավոր է գեր կանանց, այլև հոգ են տանում նրանց սեքսուալության մասին: Նրանք օգնում են մեզ չանհանգստանալ, թե ինչպիսի տեսք ունենք մենք լողազգեստով, և ստիպում են սիրահարվել մեր չափսերին»:
