Բերքլիի Կալիֆոռնիական համալսարանի ինժեներ Դևիդ Մեսերշմիտը առաջարկել է փոխել արտերկրային քաղաքակրթություններից հնարավոր ազդանշանների որոնման ռազմավարությունը։ Իր հետազոտության արդյունքները հեղինակը հրապարակել է Acta Astronautica ամսագրում։
SETI (Search for Extraterrestrial Intelligence) նախագծի շրջանակում ազդանշանների որոնումը կատարվում է հաճախականությունների նեղ միջակայքում։ Գիտնականները կարծում են, որ տեխնոլոգիապես զարգացած քաղաքակրությունն իր գործունեության ընթացքում ունակ է ստեղծել ճառագայթում՝ 21 սանտիմետր ալիքային երկարությամբ (մոտ 1420 մեգահերց համապատասխան հաճախականությամբ)։
Մեսերշմիտը կարծում է, որ նեղ միջակայքում ազդակների որոնման էներգետիկ ծախսերը շատ մեծ են և ոչ շահավետ։ Ավելի խելամիտ է փնտրել կարճ ազդանշաններ ավելի լայն միջակայքում՝ կարծում է հետազոտողը։
Այդ նպատակով ինժեներն առաջարկում է վերակարգավորումներ անել ազդանշաններն ընդունող սարքում, ինչպես նաև մոդիֆիկացնել ծրագրային ապահովումը։ Նա, սակայն, նշել է, որ չարժե լիովին հրաժարվել նեղ միջակայքում արտերկրային քաղաքակրթությունների հետքերի որոնումից։
