Ներկայացնում ենք տասը փաստ Մադրիդի «Ռեալ»-ի ու Իսպանիայի ազգային հավաքականի դարպասապահ Իկեր Կասիլյասի մասին:
1. Իկերը ծնվել է ուսուցչի ու տնային տնտեսուհու ընտանիքում:
2. Սկսած վեց տարեկանից՝ հայրն Իկերին արթնացրել է առավոտյան ժամը վեցին, որպեսզի տղային տանի Մոստոլեսի ֆուտբոլային դպրոց:
3. Երեխա ժամանակ Իկերի հայրը նրան խնդրել էր կատարել նախապես որոշված խաղադրույքը ֆուտբոլային խաղի վրա, սակայն Իկերը մոռացել է: Հարկ է նշել, որ հայրը 14 խաղ ճիշտ էր որոշել, որի արդյունքում ընտանիքը կարող էր շուրջ մեկ միլիոն եվրո շահել:
4. Վիսենտե դել Բոսկեն հանդիպել է Կասիլյասին 11 տարեկանում: Նա բարկացել է համեստ դարպասապահի վրա, ով այդ ժամանակ նեղացնում էր ընկերներին:
5. Դպրոցում Կասիլյասը եղել է ամենակատակասեր աշակերտներից:
6. Lեգենդ կա այն մասին, որ իբր Կասիլյասի մայրը հղիության վերջին ամիսներին Բիլբաոյից Մադրիդ ուղևորվելու ճանապարհին ինքնաթիռում հանդիպել է մի պայծառատես կնոջ, ով Իկերի մորն ասել է՝ նրա ապագա երեխան ֆուտբոլային մեծ աստղ է դառնալու, բայց այն դեպքում, եթե նա կրի բասկյան անուն:
7. Իկերը չի սիրում մեքենան արագ վարել:
8. Կասիլյասի հարազատ քաղաքում՝ Մոստոլեսում, գոյություն ունի Իկեր Կասիլյաս անունով պուրակ:
9. Հինգ անգամ անընդմեջ Կասիլյասը, ֆուտբոլի պատմության և վիճակագրության միջազգային ֆեդերացիայի վարկածի համաձայն, ճանաչվել է աշխարհի լավագույն դարպասապահ՝ շրջանցելով Վալտեր Զենգայի ռեկորդը:
10. Կասիլյասի եղբայրը՝ Ունայը, «Բարսելոնա»-ի երկրպագու է ու խաղում է Մոստոլեսի թիմում:
