Թուրքիայի և Իրաքի քրդական ինքնավարության իշխանությունները մշակել են ծրագիր, որի համաձայն՝ պարտիզանները կհատեն թուրքական տարածքը՝ ուղևորվելով սիրիական Քոբանի (Այն-էլ-Արաբ) քաղաք, որը ենթարկվում է ԴԱԻՇ-ի («Իրաքի և Շամի իսլամական պետություն») գրոհայինների հարձակմանը: Այս մասին հայտնում է Hurriyet թերթը՝ հղում անելով ուժային կառույցների աղբյուրներին:
Նախօրեին Իրաքյան Քրդստանի խորհրդարանը որոշել է քուրդ պարտիզանների 200-հոգանոց ջոկատն ուղարկել Քոբանի՝ տեղի աշխարհազորայիններին օգնելու համար ԴԱԻՇ-ի դեմ պայքարում: Ավելի վաղ Թուրքիան հայտարարել էր, որ չի խոչընդոտի իր տարածքով նրանց անցմանը:
Օտարերկրացի զինվորականների կողմից Թուրքիայի տարածքով անցնելու ժամանակ ցանկացած սադրանք և միջադեպ բացառելու նպատակով՝ Իրաքի քրդական ինքնավարության ղեկավարությունը թուրքական հետախուզությանը կփոխանցի բոլոր պարտիզանների մանրամասն ցուցակը, յուրաքանչյուրին կտան հատուկ հավաստագիր: Անցնելու ընթացքում նրանց մոտ չի լինի ոչ մի տարբերանշան, դրոշ, խորհրդանշան:
Ծրագրվում է, որ թուրքական կողմը կառգրավի պարտիզանների մոտ եղած ողջ զենքն ու հատուկ տրանսպորտով կհասցնի սահմանի՝ նախօրոք նշանակված անցակետեր (Սիլոպի, Նուսայբին և Սուրուչ), որտեղ զենքը կհանձնվի պարտիզաններին:
