Ֆուտբոլի Հայաստանի ազգային հավաքականը վաղն ընկերական խաղ է անցկացնելու Ֆրանսիայի ազգային թիմի հետ: Մեր հավաքականի պաշտպան Լևոն Հայրապետյանը նախախաղային մամլո ասուլիսում նշել է.
«Մարզիչը լավ էր պատրաստել Սերբիայի հավաքականի դեմ խաղին: Ամբողջովին նվիրվել էինք խաղին: Հոգնածություն կար սերբերի հետ հանդիպումից հետո, բայց երեկ վերականգնողական մարզումներ ենք անցկացրել:
Ամեն օր չէ, որ հնարավորություն ես ունենում խաղալ Ֆրանսիայի հավաքականի հետ: հուսով եմ՝ լավ կխաղանք: Մոտիվացիայի պակաս չենք զգում: Սերբերի հետ խաղից հետո ափսոսանքը մեծ էր: 2 միավորը շատ կարևոր էր: Պայքարում էինք թիմային հաջողության համար: Դա էր մեր հաջողության գաղտնիքը: Մրցակիցը կարգով բարձր էր, բայց մենք ավելի նվիրված էինք խաղում:
Ռոբերտ Արզումանյանը շատ հանդիպումներ է անցկացրել հավաքականում: Կարելի է ասել՝ նա մեր պաշտպանության շեֆն է: Բայց կրկնեմ, որ հաջող էր խաղում ամբողջ պաշտպանությունը:
Լուսանկարը` PAN Photo-ի
