«ԼՂՀ-ն թեժացման ևս մեկ օղակ է, այսինքն՝ Պուտինը դիվերսիֆիկացնում է ապակայնուցման գոտիները»,- «Առաջին լրատվական»-ի հետ զրույցում ասաց ՀՔԱ Վանաձորի գրասենյակի ղեկավար Արթուր Սաքունցը՝ հավելելով, որ մեր հասարակության համար այս պահին կարևորը սահմանային միջադեպերն են, բայց մեծ առումով, Պուտինը՝ որպես ռեժիմի ղեկավար, հրահրում և նպաստում է ապակայնուցմանը տարբեր տարածաշրջաններում, որտեղ ունի քիչ թե շատ ազդեցություն. Ուկրաինայում՝ արևելքում, Ղարաբաղում: Այսպիսի քաղաքականությամբ Ռուսաստանն իրեն ավելի հզորացած է զգում, մնացածին թուլացած համարում:
Արթուր Սաքունցը նկատեց, որ նախագահների վաղվա հանդիպումից ակնկալիքներ չունի, քանի որ այն արդյունավետ չի կարող լինել՝ ԵԱՀԿ Մինսկի խմբի մյուս ներկայացուցիչները չեն մասանակցում: «Փորձը ցույց է տվել, որ բոլոր այն հանդիպումները, որոնք կազմակերպվել են ՌԴ նախաձեռնությամբ, բացարձակապես մեկ նպատակ են հետապնդել՝ Ռուսաստանի շահերի իրականացում: Այս պահին իրադարձությունների զարգացմանը հետևելով՝ տրամաբանորեն հանգում ենք հետևյալին. առաջինը խաղաղարար դիրքում է հանդես գալիս մի երկիր, որը հակամարտության տարածաշրջանում կողմերին զենք է վաճառում, հատկապես՝ Ադրբեջանին, առավել քան 4 մլրդ դոլարի սպառազինություն որպես բիզնես է իրացնում:
Սա՝ ըստ շրջանառվող տեղեկությունների: Այսինքն՝ երբ մի ձեռքով բիզնես է անում, մյուս ձեռքով հանդես է գալիս որպես խաղաղարար, ես դրան ամենևին չեմ հավատում: Երկրորդ՝ չեմ հավատում և որևէ ակնկալիք չունեմ, քանի որ եթե ցանկություն ունենար, որ խաղաղ լուծվեր, ապա սահմանային միջադեպերը չէին լինի»,- ասաց Արթուր Սաքունցը:
Առավել մանրամասն՝ տեսանյութում:
