Սաուդյան Արաբիայի իշխանությունները օտարերկրացիների հետ ամուսնությունների վրա մի շարք սահմանափակումներ են դրել, հաղորդում է «Մեքքա» տեղական թերթը: Սաուդյան Արաբիայի քաղաքացիներին այժմ արգելվում է ամուսնանալ Չադի, Պակիստանի, Մյանմիի և Բանգլադեշի քաղաքացիություն ունեցող կանանց հետ:
Նոր կանոններ են կիրառվում նաև ամուսնացողների համար: Օտարերկրուհու հետ ամուսնացող փեսացուն չպետք է 25 տարեկանից ցածր լինի, իսկ եթե նա արդեն առաջին կին ունի, ապա թագավորության քաղաքացին պետք է լուրջ պատճառներ ունենա կրկնակի ամուսնության համար, օրինակ, եթե առաջին կինը անբուժելի հիվանդ է, տառապում է Պարկինսոնի հիվանդությամբ կամ անպտուղ է: Իսկ եթե կինը դիմել է ամուսնալուծության համար, ապա սաուդցին կրկին կարող է ամուսնանալ ամուսնալուծությունից միայն կես տարի անց:
Սաուդյան Արաբիան բացարձակ միապետություն է, որի իրավական համակարգը հիմնված է շարիաթի օրենքների վրա: Յուրաքանչյուր քաղաքացու կյանքը խստորեն կանոնակարգված է. արգելված են ալկոհոլային խմիչքներն ու թմրանյութերը, իսկ արտամուսնական կապի համար նույնիսկ հնարավոր է զրկվել կյանքից:
