Հորդանան գետի արևմտյան ափի իսրայելական անվտանգության ուժերի զորքերը փակ ռազմական գոտում գնդակահարել են պաղեստինցու, ով իբր կացնով նրանց վրա էր հարձակվել: Միջադեպի մասին մանրամասներ չեն հաղորդվում, տեղեկացնում է BBC-ն:
Իսրայելցի զինվորները փորձել են կանգնեցնել պաղեստինցու ավտոմեքենան, քանի որ վարորդը նրանց մոտ կասկած է առաջացրել: Այն բանից հետո, երբ տղամարդը հրաժարվել է կանգնել, սկսվել է հետապնդումը, որի արդյունքում իսրայելցի զինվորների ու կասկածելի վարորդի ավտոմեքենաները բախվել են իրար:
Դրանից հետո պաղեստինցին դուրս է եկել ավտոմեքենայից և մոտեցել է Իսրայելի զինծառայողներին`ձեռքում պահելով կացին: Նրա ուղղությամբ կրակել են, որի արդյունքում նա մահացել է:
Ըստ Պաղեստինի ազգային ինքնավարության զինվորականների տեղեկության՝ մահացածը Խաթեմ Շաբիբն է, որն ապրում էր մոտակայքում գտնվող գյուղում:
Հիշեցնենք, որ Իսրայելը հայտարարել է Հորդանան գետի արևմտյան ափին մոտ 3 հազար տուն վերաբնակեցնելու մասին:
