Կատալոնական «Բարսելոնա»-ի հարձակվող Լիոնել Մեսսին խոսել է Գերդ Մյուլերի մասին, որի ռեկորդը շրջանցելու համար արգենտինացուն ընդամենը հինգ գոլ է մնում:
«Պորտուգալական ո՞ր ակումբում կցանկանայի հանդես գալ. ես ուզում եմ ավարտել կարիերաս «Բարսելոնա»-ում, հետևաբար այլ ակումբում հանդես գալու մասին չեմ մտածել:
Գերդ Մյո՞ւլերը. ես չեմ տեսել նրա խաղը, բայց ինձ պատմել են, որ Մյուլերը հրաշալի հարձակվող է եղել: Նրանից շատ բան չի պահանջվել՝ գոլի հեղինակ դառնալու համար: Մյուլերը շատ արագաշարժ է եղել մրցակցի տուգանայինի մատույցներում»,- ասել է Մեսսին:
Հիշեցնենք, որ արգենտինացու ակտիվում այժմ 80 գոլ է, իսկ Մյուլերը դարձել է 85 գոլի հեղինակ:
