Foreign Policy-ն գրում է, որ ուկրաինական միջին հեռահարության անօդաչու թռչող սարքերն էական ազդեցություն են ունենում ռազմական գործողությունների ընթացքի վրա՝ փոխելով պատերազմի վարման կանոնները։
Այս սարքերը հնարավորություն են տալիս խոցել ռուսական լոգիստիկ ենթակառուցվածքները շփման գծից հեռու գտնվող թիկունքում, ինչի հետևանքով նախկինում անվտանգ համարվող մատակարարման երթուղիները վերածվում են ռիսկային գոտիների՝ սպառնալով ռուսական բանակի տեխնիկային, վառելիքին և զինամթերքին։
Մեծ Բրիտանիայի RUSI ինստիտուտի վերլուծաբան Նիկ Ռեյնոլդսի գնահատմամբ՝ այս դրոնները շատ առումներով լրացնում են այն բացը, որը նախկինում զբաղեցնում էին HIMARS համակարգերը։ Ուկրաինական կողմը նախատեսում է տարեկան արտադրել մինչև 100 հազար նմանատիպ ԱԹՍ-ներ՝ ընդլայնելով իր հարվածային հնարավորությունները։
Միաժամանակ, փորձագետները զգուշացնում են, որ անօդաչուների զանգվածային կիրառումն ինքնին չի կարող երաշխավորել օկուպացված տարածքների վերադարձը։
