Չեմպիոնների Լիգայի խմբային փուլի շրջանակներում «Մանչեսթեր Սիթի»-ի դեմ կայանալիք հանդիպումից առաջ Մադրիդի «Ռեալ»-ի գլխավոր մարզիչ Ժոզե Մոուրինյոն հայտնել է, որ ինքը հաճույքով է մասնակցում նման հանդիպումների:
Հիշեցնենք` «արքայական ակումբ»-ն իր խմբում զբաղեցնում է երկրորդ հորիզոնականը, իսկ Ռոբերտո Մանչինիի սաները` վերջինը:
«Անգլիայում իմ հաջող աշխատանքի շնորհիվ ես սիրում եմ վերադառնալ այստեղ և մասնակցել նման հանդիպումների: Մենք բարդ մրցակից ունենք, երկրպագուներն էլ նկատելի աջակցություն են ցուցաբերում թիմին: Լավագույնն ինձ համար մրցաշարում 2 անգամ հաղթանակելը կլինի, վատագույնը` երկու կիսաեզրափակիչներում իմ գլխավորած թիմերի` «Չելսի»-ի և «Ռեալ»-ի պարտությունները, քանի որ հետխաղյա 11 մետրանոց հարվածաշարի արդյունքում պարտվելը միշտ մեծ ցավ է պատճառում:
Ինչ վերաբերում է մեր մրցակցին, ապա «Մանչեսթեր Սիթի»-ն կարող է ֆավորիտ համարվել նման մրցաշարերում: Եվ եթե թիմը երկրորդ անգամ դուրս մնա Չեմպոնների Լիգայի խմբային փուլից, դա նորմալ երևույթ չի լինի»,- ասել է մասնագետը:
