Իսպանիայի Լա Լիգայի ընթացիկ մրցաշրջանի 12-րդ տուրի շրջանակներում կայանալիք «Ատլետիկ»-ի դեմ հանդիպմանը Մադրիդի «Ռեալ»-ի կազմում, հավանաբար, չի ընդգրկվի Մայքլ Էսյենը: Այս մասին է հայտնել AS-ը:
29-ամյա ֆուտբոլիստը բաց է թողել թիմի երեկվա մարզումը: Տարբերակներից մեկի համաձայն` նա վնասվածք է ստացել, երկրորդի` պատճառը Մայքլի հոգնածությունն է. Էսյենը հանդես է եկել թիմի վերջին 9 խաղերում, այդ պատճառով էլ նրան իսկապես հանգիստ է հարկավոր:
Այդ առումով շատ տեղին կլինի, եթե շարք վերադառնա Սամի Խեդիրան, ով ապաքինվել է մկանային վնասվածքից, որը ստացել էր Չեմպիոնների լիգայի խաղարկության շրջանակներում կայացած Դորտմունդի «Բորուսիա»-ի դեմ հանդիպմանը:
