Ռուսաստանի վարչապետ Վլադիմիր Պուտինը մարտի 15-ին հայտարարել է, որ ռուսական կողմը Բելառուսին կտրամադրի 6 մլրդ դոլարի վարկ` ատոմակայան կառուցելու համար: Այս մասին հաղորդում է RIA-Novosti գործակալությունը: Ռուսաստանի Դաշնության վարչապետի խոսքերով, վարկի տրամադրման պայամանագիրը կարող է ստորագրվել արդեն առաջիկա մեկ ամսվա ընթացքում:
Այս տարվա հունվարի կողմերը համաձայնության էին եկել ատոմակայանի համատեղ կառուցման և շահագործման վերաբերյալ: Իսկ երեկ Պուտինի՝ Մինսկ այցելության ժամանակ ստորագրվեց նաև համապատասխան պայմանագիրը: Տեղեկացնենք, որ այս ուղղությամբ բանակցությունները սկսվել էին մի քանի տարի առաջ: Խոսվում էր 9 մլրդ դոլար վարկի մասին, սակայն կողմերը կանգ առան 6 մլն-ի վրա:
Վերջին օրերին ռուսական և բելառուսական մամուլում շատ էր քննարկվում ատոմակայանի կառուցման նպատակահարմարությունը` հաշվի առնելով այն հանգամանքը, որ Ճապոնիայում, որը հայտնի է իր ատոմակայանների անվտանգության բարձր մակարդակով, ատոմակայններում տեղի են ունենում դեպքեր, որոնք վերահսկելի չեն: Հիշեցնենք նաև, որ այս մտահոգությունից ելնելով` եվրոպական շատ երկրներ որոշում են կայացրել դադարեցնելի մի շարք ատոմակայնների կառուցումը և շահագործումը:
