Գիտնականները բացահայտել են, որ երգեցիկ թռչունները այնպես են կազմակերպում իրենց միգրացիան, որ չվում են ամեն տարի միևնույն օրը և հետ վերադառնում կրկին միևնույն օրը:
Հետազոտողները պարզել են , որ թռչունները հասնում են իրենց նախընտրած վայրը ամեն տարի այն նույն օրը, ինչպես նախորդ տարի:
Հետազոտության արդյունքները ապշեցրել են հետազոտողներին, ովքեր կարծում էին, որ ժամանակացույցը կտարբերվի` կախված նրանից, թե ինչպիսին է տեղական եղանակը, քամու ուժգնությունը և շատ այլ գործոններ:
Հետազոտությունը իրականացվել է Հարավային և Հյուսիսային Ամերիկաներում: Թռչունների փետուրներին միացրել են հատուկ սարքեր, որոնք ցույց են տվել, թե երբ են նրանք չվում, և երբ վերադառնում, ինչպես նաև թե ինչպիսի ճանապարհ են ընտրում:
Ամառվա վերջում թռչունների վերադարձի ճանապարհը նույնպես նույնն է եղել ամեն տարի:
