Արաբական պետությունների լիգան կդիմի ՄԱԿ-ի Գլախավոր ասամբլեային՝ խնդրելով բանաձև ընդունել Սիրիայում քաղաքական անցում ապահովեու և ժողովրդավարական կառավարություն ձևավորելու կոչով:
Ինչպես հաղորդում է The Christian Science Monitor թերթը, այդ որոշումը հնչեցրել են Սաուդյան Արաբիայի մշտական ներկայացուցիչ Աբդալլահ Ալ-Մուալիմին և կատարցի դիվանագետ Աբդուլռահամ Ալ-Համադաին՝ ՄԱԿ-ի ԱԽ-ում երեկ Մերձավոր Արևելքի վերաբերյալ տեղի ունեցած քննարկումների ընթացքում:
Կատարցի դիվանագետի խոսքերով՝ քիմիական զենք օգտագործելու վերաբերյալ Սիրիայի սպառնալիքները «ստիպել են մեզ ավելի խոր հիասթափություն զգալ այն փաստից, որ ՄԱԿ-ի ԱԽ-ն ի վիճակի չէ արդյունավետ կերպով ազդելու Սիրիայի ճգնաժամի վրա»:
Հիշեցնենք, որ ավելի վաղ ՄԱԿ-ի գլխավոր քարտուղար Պան Գի Մունը կոչ էր արել դադարեցնել «արյունալի սպանդը» Սիրիայում:
