Էդգար Դավիդսը, որը Դել Պիերոյի հետ 1994-2004 թվականներին խաղացել է «Յուվենթուս»-ում, ոչ մի կասկած չունի, որ Ալեսանդրո դել Պիերոյի հեռանալը մեծ հարված կլինի թիմի համար:
««Յուվե»-ն բաց կթողնի Դել Պիերոյին. դա կլինի մեծ հարված թիմի համար: Առանց նրա թիմը նույնը չի լինի»,- հոլանդացու խոսքերն է մեջբերում Sky Sport Italia-ն:
«Սակայն կյանքը շարունակվում է, և ես համոզված եմ, որ երկուսի համար էլ լավ ապագա կլինի: «Յուվենթուս»-ը պետք է միշտ բարելավվի: Նրանք պետք է լուրջ առաջխաղացում կատարեն Չեմպիոնների Լիգայում: Սակայն մեծահամբավ խաղացողների հետ պայմանագիր ստորագրելը դեռ չի նշանակում, որ դու կլինես հաջողակ: «Յուվենթուս»-ի ուժը կախված չէ առանձին խաղացողներից. «Յուվե»-ի ուժն ապահովում է թիմը»,- ասել է Դավիդսը:
