Սինգապուրում բացվել է տրոպիկական ֆլորայի «Պարտեզներ նեղուցի մոտ» (Gardens by the Bay) պարտեզը:
Դա մեծ նախագծի առաջին մասն է, որը նախատեսում է ստեղծել 3 թեմատիկ պարտեզ` նվիրված Հարավային Ամերիկայի, Աֆրիկայի ու Ասիայի ֆլորային ու ֆաունային: Այս մասին գրում է Travel.ru-ն:
Համալիրը տեղակայված է Սինգապուր գետաբերանի մոտ և ունի շուրջ 410 հազար քմ տարածություն, որտեղ աճում է 226 հազար բուսատեսակ ու ստեղծվել է 18 հսկայական «ծառ» բետոնից ու երկաթե ձողերից` պարուրված կանաչով:
Այդ 25-50 մետրանոց «կենդանի երկնաքերները» այգուն տալիս են ֆուտուրիստական տեսք:
Ցերեկը դրանց տակ հնարավոր է թաքնվել արևից, իսկ մթության հետ նրանք լուսավորվում են բազմագույն լույսերով:
Ամենաբարձր «ծառերի» միջև կառուցված են կամուրջներ ու վերգետնյա անցումներ, որոնցից հիանալի տեսարան է բացվում այգու վրա:
Ենթադրվում է, որ «նեղուցի այգիներ» կայցելի տարեկան մինչև 5 մլն մարդ:
Այգին բաց է ժ. 9.00-ից մինչև 21.00-ն: Տոմսերի արժեքը մեծահասակների համար 22 դոլար է, երեխաների համար ՝12 դոլար:
