Եգիպտոսի դատարանը հեռակա կարգով Ազգային ժողովի (խորհրդարանի Ստորին պալատ) պատգամավոր Ալի Վանիսին դատապարտել է 1.5 տարվա ազատազրկման հասարակական վայրում անհարիր պահվածքի համար: Այս մասին այսօր հայտնում է «Մասրավի» ինտերնետ-պորտալը:
Ամառվա սկզբին եգիպտական ճանապարհային ոստիկանությունը Վանիսին հայտնաբերել էր Կահիրե-Ալեքսանդրապոլ տանող մայրուղում իր ավտոմեքենայում նիկաբ կրող «թեթևաբարո աղջկա» ընկերակցությամբ: Ինչպես հայտնել էին ոստիկանները, սալաֆիական «Նուր» կուսակցության պատգամավորին ու նրա ընկերուհուն բռնացրել էին «անառակաբարո գործողություններ կատարելիս»:
Աղջկան ձերբակալել էին, Վանիսը դիմադրություն էր ցույց տվել ոստիկաններին, ապա հայտնել իր պատգամավորական կարգավիճակի մասին և լքել «դեպքի վայրը»:
Դատախազությունը նրա նկատմամբ գործ էր հարուցել ու պահանջել զրկել պատգամավորական անձեռնմխելիությունից, սակայն հետաքննության ամենաթեժ պահին ռազմական իշխանությունները ցրեցին ԱԺ-ն, և Վանիսն անհետացավ ու մինչ օրս թաքնվում է արդարադատությունից:
Դատարանը 200 դոլար տուգանք է նշանակել ` նրա նկատմամբ հետաքննությունը դադարեցնելու համար, իսկ աղջիկը դատապարտվել է կես տարվա ազատազրկման. նա կարող է ազատվել, եթե վճարի մոտ 85 դոլար:
