Տաջիկստանը համաձանել է այդ երկրում 2014 թ. հետո ևս 49 տարով Ռուսաստանի 201-րդ ռազմաբազայի տեղակայման համաձայնագրի ռուսական տարբերակի հետ: Այս մասին հայտարարել է ՌԴ ցամաքային զորքերի գեներալ-գնդապետ Վլադիմիր Չիրկինը:
«Ռուսաստանի և Տաջիկստանի միջև համաձայնագրի նախագիծը, որն ամրապնդում է Տաջիկստանի Հանրապետությունում 49 տարով ռուսական 201-րդ ռազմաբազայի ներկայությունը, ընդհանուր առմամբ, տաջիկական կողմի համար ընդունելի է: Ինչպես հայտարարել է հանրապետության ղեկավարությունը, իրենք մտադիր են առավելագույնս նպաստել դրա միջգերատեսչական համաձայնությանը»,- ասել է Չիրկինը:
Նա ընդգծել է, որ համաձայնագրի նախագծում առաջարկվել է պահպանել Տաջիկստանում ռուսական ռազմաբազայի գործող կարգը` անվարձահատուց հիմքի վրա: Այս մասին հայտնում է RIA Novosti-ն:
Ինչպես հայտնել էր «Վզգլյադ» թերթն անցած շաբաթ, Դուշամբեն բացատրել է, թե ինչ են ցանկանում տաջիկական իշխանությունները Մոսկվայից իրենց տարածքում ռազմաբազան պահպանելու համար: Նրանք վստահեցնում են, որ գումարն այստեղ կարևոր չէ:
Տաջիկստանի համար ավելի կարևոր է Ռուսաստանից էժան ստանալ նավթամթերք և իր քաղաքացիների համար աշխատանքի տեղավորվելու հնարավորություն: