Մադրիդի «Ռեալ»-ի և Իսպանիայի հավաքականի դարպասապահ Իկեր Կասիլյասը ցանկանում է հաղթող ճանաչվել բոլոր այն մրցաշարերում, որոնց կմասնակցի «Արքայական ակումբը».
«Ես հարգում եմ «Բարսելոնա»-ին և այդ թիմի նախկին գլխավոր մարզիչ Պեպ Գվարդիոլային, բայց մտածում եմ միայն այն մասին, թե ինչ է սպասվում «Ռեալ»-ին: Նոր մրցաշրջանում ցանկանում եմ «Ռեալ»-ի կազմում նվաճել բոլոր 4 տիտղոսները` Իսպանիայի Գավաթն ու Սուպերգավաթը, Լա լիգայի չեմպիոնի կոչումը, Չեմպիոնների լիգայի գավաթը:
Չեմպիոնների լիգայի գավաթի խաղարկությունում հաղթանակը կարող է յուրահատուկ դառնալ «Ռեալ»-ի համար, քանի որ այն կլինի 10-րդն ակումբի պատմության մեջ: Անցած մրցաշրջանում մեկ քայլ էինք հեռու եզրափակիչից, իսկ այժմ ցանկանում ենք նվաճել այդ մրցանակը»,- հայտարարել է Կասիլյասը:
