Ռուսաստանի նախագահի՝ արտասահմանյան երկրների հետ ներդրումների և տնտեսական համագործակցության հարցերով հատուկ ներկայացուցիչ Կիրիլ Դմիտրիևը հայտարարել է, որ մշտական կապի մեջ է ԱՄՆ նախագահի հատուկ բանագնացների՝ Սթիվեն Ուիթքոֆի և Ջարեդ Քուշների հետ։ Այս մասին հայտնում է ՏԱՍՍ-ը։
«Ես չէի ցանկանա նշել կոնկրետ ամսաթվեր, բայց հերթական հանդիպումը կկայանա հունիսին», – ասել է նա։
Հարցին, թե արդյոք այնպիսի ձեռնարկատերերը, ինչպիսիք են ինքը, Ուիթքոֆը և Քուշները, կարող են «փրկել աշխարհը» և իրականացնել այն, ինչին քաղաքական գործիչները անընդունակ են եղել՝ Դմիտրիևն ասել է․ «Իհարկե, քաղաքական գործիչները, դիվանագետները և քաղաքական ներկայացուցիչները պետք է կարևոր դեր խաղան համաշխարհային խաղաղության ապահովման գործում։ Այնուամենայնիվ, բոլոր երկրների գործարարներն ու տնտեսագետները նույնպես կարող են կառուցողական դեր ունենալ՝ զարգացնելով տնտեսական համագործակցությունը և բացահայտելով ազգերի միջև համատեղ բարգավաճման ներուժը»։
