Իտալիայի կառավարությունը շուկայում տեղաբաշխել է 3.5 մլրդ եվրո արժողությամբ եռամյա պարտատոմսեր, ինչպես նաև արժեթղթեր` 2019, 2022 ու 2023թթ. մարման ժամկետով:
Եռամյա ժամկետով արժեթղթերի տեղաբաշխման եկամտաբերությունը, չնայած վարկանիշային Moody’s գործակալության վատթարացող վարկանիշին, նվազել է 4.65 տոկոսով: Այս մասին հայտնում է «Վեստի Էկոնոմիկա»-ն:
Նախորդ աճուրդում ցուցանիշը զգալիորեն բարձր էր 5.30 տոկոսից: Այդ ակտիվների նկատմամբ պահանջարկը գերազանցել է առաջարկը 1.73 անգամ` չնայած այն բանին, որ տասնամյա պարտատոմսերի եկամտաբերությունն աճել է` 5.66-ից հասնելով մինչև 5.82-ի:
Ավելի վաղ միջազգային վարկանիշային Moody’s գործակալությունը Իտալիայի երկարաժամկետ ինքնիշխան վարկանիշը իջեցրել էր միանգամից երկու աստիճանով` Baa2-ից մինչև A3:
