Ներքին կաշվեհարդարմամբ սուպերմեքենաների տերերն այլևս կարող են չհպարտանալ իրենց ձեռքբերմամբ: Արտաքինից կաշվեպատ Ferrari F430-ի տերը նրանցից մեկ քայլ առաջ է անցել: The Daily Mail-ի փոխանցմամբ՝ 208 հազար դոլարանոց մեքենայի անանուն սեփականատերը Միջերկրականի Ֆրանսիական ափից է՝ French Riviera-իկամ Cote d’Azur-ից:
Ferrari-ի կաշվեպատումն իրականացրել է լատվիական Dartz ընկերությունը, որը մասնագիտացած է մեքենաների արտադրությամբ և դիզայնով:
Dartz ընկերության սեփականատեր Լեոնարդ Յանկելովիչի խոսքով՝ պատվերը ստացվել է իրենց հարուստ հաճախորդներից մեկից: Մեքենայի կաշվեպատումը իրականացվել է 16 օրերի ընթացքում: Ծախսած ֆինանսական միջոցների մասին տեղեկություններ չեն հաղորդվում:
Dartz ընկերության ձեռագիրը կարելի է տեսնել Վլադիմիր Լենինի, Լեոն Տրոցկու և Նիկոլայ II ցարի զրահապատ մեքենաների վրա: Այս ընկերությունն է զբաղվել նաև վերջին ամիսներին էկրան բարձրացած Սաշա Բարոն Քոենի «Բռնապետը» ֆիլմի մեքենայի դիզայնով:
