ՀՅԴ անդամ Լիլիթ Գալստյանը Facebook-ի իր էջում անդրադարձել է երգչուհի, ՀՀԿ-ական պատգամավոր Շուշան Պետրոսյանի ամուսնու` Արման Հարությունյանի «Հարսնաքարի» հետ կապված հայտարարությանը.
«Սառնասրտորեն կսատկացնեի ոմանց» Ֆեյսբուքյան իր էջում Հարսնաքարի մոտ հավաքվածների մասին այսպիսի «հերոսական» գրառում է արել մեկը, որ ոչ շարքային ոստիկան է և սատկացնելու ավանդույթներով տխրահռչակ։
Ես չեմ սպասում, որ նրա պատգամավոր, օրինաստեղծ տիկինը կայպանի ու կասի՝ տղա ջան, մենք իրավական երկրում ենք ապրում և ինքնաիրավչությունը հանցագործություն է։ Նա ինքը «սամասուդի» կողմնակից է և կարծում է, որ մեղավորին մեկ այլ մեղավոր (Ռուբեն Հայրապետյան պաշտոնական անունով) է պատժելու։
Ինձ և կարծում եմ շատերին հետաքրքիր է Ոստիկանության համակարգը բարեփոխման ենթարկող ու «պեպելնիցուց» մարդ-ոստիկան կերտելու խոստում տված գլխավոր ոստիկանապետի կարծիքն ու վերաբերմունքը։