Քիչ առաջ Եգիպտոսի Ռազմական ուժերի բարձրագույն խորհրդի ներկայացուցիչը հայտնեց, որ բանակը քննարկում է «երկրի ղեկավարման» հնարավորությունները և հետագա քայլերի վերաբերյալ հանդես կգա լրացուցիչ հայտարարություններով: Նա հայտնեց, որ բանակը չի պատրաստվում փոխարինել քաղաքացիական իշխանությանը. «Ռազմական ուժերի բարձրագույն խորհուրդը այլընտրանքը չի հանդիսանում այն օրինական իշխանության, որը ցանկանում է ունենալ եգիպտական ժողովուրդը»:
Բանակի հայտարարության մեջ շնորհակալություն է հայտնվում նախկին նախագահ Հոսնի Մուբարաքին` հրաժարականի համար: Ռազմական ուժերի բարձրագույն խորհրդի ներկայացուցիչը հեռուստաընկերությունների եթերում հարգանքի տուրք մատուցեց վերջին օրերին զոհվածների հիշատակին: Մամուլում տեղեկություններ են հայտնվել, որ Ռազմական ուժերի բարձրագույն խորհուրդն առաջիկայում պատրաստվում է հայտնել խորհրդարանը ցրելու և կառավարության հրաժարականի մասին:
Հիշեցնենք, որ Հոսնի Մուբարաքի հրաժարականի մասին հայտարարության մեջ փոխնախագահ Օմար Սուլեյմանը նշել էր, որ «Այս դժվար պայմաններում, որում հայտնվել է երկիրը, նախագահ Մուհամադ Հոսնի Մուբարաքը որոշում է կայացրել լքել նախագահի պաշտոնը և հանձնարարել Ռազմական ուժերի բարձրագույն խորհրդին կառավարել երկիրը»:
Փաստորեն վերջին մասին բանակն անմիջապես արձագանքեց և պատրաստ է ստանձնել այդ պատասխանատվությունը: