Արաբական Մուհամադ անունը եւ դրանից ածանցվող մի քանի այլ անուններ, որոնք տարածված են մուսուլմանական աշխարհում, 2009թ. ամենատարածվածն են եղել Անգլիայում եւ Ուելսում ծնված երեխաներին տրված անունների մեջ: Այս մասին հաղորդում է բրիտանական Daily Mail-ը:
Մուհամմադ, Մոհամեդ, Մագոմեդ, Մեհմետ անունները տրվել են նշված երկրներում ծնված 7.549 երեխաների, երկրորդ տեղում եղել է Օլիվերը, որին արժանացել են 7.364 նորածիններ: Ջեկ անունը, որը նախորդ 14 տարիների ընթացքում միշտ զբաղեցրել է առաջին տեղը, այս անգամ ընդամենը երրորդ հորիզոնականում է: 4-րդ եւ 5-րդ տեղերում Հարրին եւ Ալֆին են համապատասխանաբար:
2009թ. աղջիկներին ամենաշատը տրվել են Օլիվիա եւ Ռուբի անունները: