Ռուսաստանի արդարադատության նախարարությունը հնարավոր է կարճ ժամանակահատվածում ԱՄՆ դիմում ուղարկի Վիկտոր Բուտին Ռուսաստանին հանձնելու համար: Այս մասին հաղորդել է ՌԴ Արդարադատության նախարարությունը:
Այնտեղ հաստատել են, որ նախօրեին հայտարարություն են ստացել Վիկտոր Բուտի կնոջից` Ալլա Բուտից կապված Ռուսաստան նրա տեղափոխման հետ:
«Ներկա դրությամբ հայտը քննվում է, որի արդյունքների հիման վրա Արդարադատության նախարարությունը դիմում կնախապատրաստի ԱՄՆ Արդարադատության նախարարություն ուղարկելու համար »,- նշվում է հայտարարության մեջ:
Հիշեցնենք, որ ապրիլին 45-ամյա ռուս գործարար Վիկտոր Բուտը ամերիկյան դատարանի կողմից մեղավոր էր ճանաչվել Կոլումբիայի հեղափոխական ուժերին զենք մատակարարելու համար և դատապարտվել էր 25 տարվա ազատազրկման: Նա իրեն մեղավոր չի ճանաչում:
