Կալիֆոռնիայում տաղանդավոր երեխան կդառնա ԱՄՆ ամենաերիտասարդ ուսանողը, ով բակալավրի աստիճան է ստացել, գրում է lifenews.ru-ն:
Սակրամենտո քաղաքի 9-ամյա բնակիչը 7-տարեկանում պաշտոնապես դարձել է Կալիֆոռնիա նահանգի American River College բարձրագույն ուսումնական հաստատության ուսանողը:
Մայրիկի խոսքերով՝ տղան, դեռ 2 տարեկանում էքստրաօրդինար ընդունակություններ է դրսևորել, իսկ 5 տարեկանում ինքնուրույն լուծել է մաթեմատիկական այն խնդիրները, որոնք նախատեսված են Stanford University-ի երկրորդ կուրսի ծրագրով:
Ինչպես պարզվել է, տղան ընդմաենը 4 տարեկան է եղել, երբ նա լուծել է թեստային բոլոր խնդիրները և դարձել է «Մենսա» շահույթ չհետապնդող կազմակերպության անդամ, որի անդամներն են բարձր IQ ունեցող մարդիկ:
«Երբ արդեն մոտ 7 տարեկան էր, մենք հասկացանք, որ մեր որդին տիրապետում է ողջ դպրոցական ծրագրին»,- խոսոտովանել է տղայի հայրը`Բիժու Աբրահամը: «Այդ ժամանակ մենք որոշեցինք ժամանակ չկորցնել և մեր որդուն միանգամից քոլեջ ուղարկենք»:
ԱՄՆ-ում ԲՈՒՀ ընդունվելու համար անհրաժեշտ է համադաշնային թեսթ հանձնել: Տանշիկը այդ թեսթը «գերազանց» հանձնել և ընդունվել է American River College` «Քաղաքագիտություն և աստղագիտություն» բաժինը:
«Ինձ ընդհանրապես չի կաշկանդում այն, որ իմ համակուրսեցիներն ինձնից ավելի քան 2 անգամ մեծ են»,-հավաստում է 9-ամյա տղան: «Ուսման ընթացքում ուսուցիչներն ինձ հաճախ խնդրում են ուսանողների համար առավել մատչելի լեզվով բացատրել բարդ թեմաները»:
«Ես շատ եմ հպարտանում իմ զավակով և անհամբեր սպասում եմ այն պահին, երբ նա կդառնա բակալավրի սատիճան ունեցող ամենաերիտասարդ մարդը»,- խոսոտավնել է տղայի մայրը:
