Սերժ Սարգսյանի հորդորը ՀՀԿ պատգամավոր Ռուբեն Հայարապետյանին՝ «Հարսնաքար» ռեստորանում տեղի ուենցած հայտնի միջադեպից հետո վայր դնել պատգամավորության մանդատը, պայմանավորված չէր իրավական դրդապատճառներով: «Առաջին լրատվական»-ի հետ զրույցում նման տեսակետ հայտնեց ՌԱՀՀԿ փորձագետ Էդգար Վարդանյանը:
«ՀԿ-ական պատգամավորի՝ մանդատից հրաժարումը տեղի ուենցավ հասարակական մեծ ճնշման ներքո: Իշխանություններն իրենց այս քայլով փորձ արեցին մեղմել բողոքը, սակայն դա նրանց այդպես էլ չհաջողվեց: Սերժ Սարգսյանը փորձում է հասարակությանը համոզել, որ ինքը կապ չունի այսօրինակ երևույթների հետ և ցանկանում է, որ օլիգարխները փոխեն իրենց վարքը և անհրաժեշտության դեպքում պատժվեն»,- ասաց նա:
Էդգար Վարդանյանի խոսքով, իշխանություններն ու անձամբ Ռուբեն Հայրապետյանը հասկանում են, որ իրենք հասարակության համար թիրախ են: «Մարդկանց զգալի մասը մեկ ամբողջության մեջ է տեսնում նախագահին ու օլիգարխներին, հետևաբար տարանջատումը, որ փորձում է անել Սերժ Սարգսյանը, նրան չի հաջողվելու»,- ամփոփեց փորձագետը:
