Ադրբեջանական APA լրատվական գործակալության փոխանցմամբ՝ ԵԽԽՎ նախագահ Ժան Կլոդ Մինյոնը ԵԽԽՎ-ի ամառային նստաշրջանում լրագրողների հետ ունեցած զրույցում անդրադարձել է Ղարաբաղյան հակամարտության կարգավորմանը.
«Այս շաբաթ ես հանդիպումներ եմ ունենալու Հայաստանի ու Ադրբեջանի պատվիրակությունների ղեկավարների հետ: Ես լիովին վստահում եմ ԵԱՀԿ Մինսկի խմբի գործունեությանը: Սակայն, իմ կարծիքով, ԵԱՀԿ Մինսկի խումբը պետք է ավելի շատ աշխատի և ավելի մեծ ակտիվություն ցուցաբերի այդ հարցում:
Անկախ նրանից, թե մենք հավատում կամ չենք հավատում Մինսկի խմբի գործունեությանը, այսօր այդ կառույցն է զբաղվում Ղարաբաղյան հակամարտության կարգավորմամբ: Ես ի սկզբանե դեմ եմ եղել Լեռնային Ղարաբաղի գծով ենթակոմիտեի ստեղծմանը: Դա իմ անձնական կարծիքն է և ոչ թե ընդհանրապես ԵԽԽՎ-ի դիրքորոշումը»:
