Գերմանական Bild տաբլոիդը հունիսի 23-ին իր 60 ամյակի առթիվ լույս է տեսել ռեկորդային 41 մլն տպաքանակով:
Այս ակցիան անցկացվել է «Անվճար Bild՝ բոլորի համար» կոչով: Հենց այդ պատճառով տաբլոիդն անվճար հասցրել են Գերմանիայի բնակիչների տներ: Այս ակցիան առաջին հերթին ուղղված էր նրանց, ովքեր մինչ այդ չէին կարդացել Bild-ը:
Տաբլոիդը չի ուղարկվել միայն 200 հզ. հասցեներով, քանի որ այդ տների բնակիչները հատուկ դիմում են ներկայացրել, ըստ որի, հրաժարվել են անվճար Bild ստանալ: Այս մասին հաղորդում է Agence France-Presse-ը:
Bild-ի աշխատակիցները հույս ունեն, որ տոնական համարը կհայտնվի Գինեսի ռեկորդների գրքում, որպես ամենաշատ լույս տեսած թերթի համար: Bild-ը ռեկորդների գրքում հայտնվել է 2011 թ., երբ իր թողարկել էր չափսերով ամենամեծ թերթը:
Սովորաբար Bild-ը լույս է տեսնում 2.6 մլն տպաքանակով: Այն հայտնի է իր սադրող վերնագրերով և լուսանկարներով:
