Միջազգային ճգնաժամային խմբի Լեռնային Ղարաբաղի մասին հերթական զեկույցը հավանական է համարում Հայաստանի և Ադրբեջանի միջև պատերազմական գործողությունների վերսկսումը: Այս ենթադրությունը զեկույցը հիմնավորում է 2010 թվականի դրության ուսումնասիրությամբ: Զեկույցը փաստում է, որ 2010 թ. ընթացքում ավելացել են բախումները սահմանի վրա, և դադար է գրանցվել բանակցային գործընթացում։ Հատկապես խոսվում է 2010 թվականին Մինսկի խմբի անարդյունավետ գործելու մասին:
Միջազգային ճգնաժամային խումբը նաև մատնանշում է, որ երկու կողմերն էլ նախորդ տարվա ընթացքում շատացրել են ռազմական ծախսերը:
Հնարավոր պատերազմական գործողություններից խուսափելու և հարցին խաղաղ լուծում տալու համար միջազգային ճգնաժամային խումբը հորդորում է կողմերին ընդունել կարգավորման սկզբունքները: Միջազգային հանրությունը, հատկապես Ռուսաստանը՝ որպես Մինսկի խմբի համանախագահ, պետք է թույլ չտան զենքի կիրառումը սահմանի վրա: