Ժնևում հունիսի 30-ին տեղի կունենա Սիրիայի վերաբերյալ միջազգային կոնֆերանս: Այս մասին RIANovosti-ին հայտնել է ՌԴ ԱԳՆ բարձրաստիճան աղբյուրը:
Ավելի վաղ ՌԴ նախագահի օգնական Յուրի Ուշակովը հայտարարել էր, որ Սիրիայի վերաբերյալ միջազգային կոնֆերանսը կարող է տեղի ունենալ Մոսկվայում կամ Ժնևում:
ՌԴ ԱԳ ղեկավար Սերգեյ Լավրովի կարծիքով` Սիրիայի խնդրով բանավեճին պետք է մասնակցեն ՄԱԿ ԱԽ-ի բոլոր անդամները, Սիրիայի բոլոր հարևանները` Իրաքը, Թուրքիան, Հորդանանը, Լիբանանը, նաև տարածաշրջանի առանցքային խաղացողները` Սաուդյան Արաբիան, Քաթարը, Իրանը, և միջազգային կազմակերպությունները` ԱՊԼ–ը, ԵՄ–ն: