Իրենց առաջին աֆրոամերիկացի ղեկավարին ընտրելուց հետո ԱՄՆ-ի Հարավային բապտիստական համագումարը, որում 16 միլիոն մարդ է ընդգրկված, իր դիրքորոշումն է արտահայտել միասեռական ամուսնությունների վերաբերյալ: Համագումարը բանաձև է ընդունել՝ հերքելով այն գաղափարը, որ միասեռական ամուսնությունը քաղաքացիական իրավունքի հարց է: Ամենամյա ժողովի ժամանակ համագումարի մասնակիցները աջակցություն են հայտնել բանաձևին` հաստատելով իրենց հավատամքն առ այն, որ ամուսնությունը կնոջ և տղամարդու միությունն է, և այլ հասկացությունները լի են մեղքով: Համագումարը բանաձև է ընդունել նաև կրոնական ազատության վերաբերյալ: Այս մասին հայտնում է The Washington Post-ը:
Բողոքական եկեղեցու 167-ամյա պատմության մեջ սա առաջին անգամ է, որ ԱՄՆ-ի խոշորագույն բողոքական կազմակերպության` Հարավային բապտիստական համագումարի նախագահ է դառնում աֆրոամերիկացի: Հովիվ Ֆրեդ Լյութերին ընտրել է հավատացյալների ամենամյան ժողովը: Ֆրեդ Լյութերը 26 տարի շարունակ եղել է Նոր Օռլեանի բապտիստական եկեղեցու հովիվ:
Լյութերի ընտրությունը արտասովոր որոշում է եկեղեցու համար, որը երկար տարիներ հավատարիմ է եղել ռասիզմին: Նա պաշտոնում կլինի մեկ տարի, սակայն հնարավոր է ժամկետը մեկ տարով երկարաձգել: