Գովազդի բրիտանական կարգավորիչ մարմինը՝ASA-ն արգելել է կանանց Fabulous ամսագրի հեռուստատեսային գովազդը: Այս մասին ասված է կազմակերպության կայքում: Արգելքի պատճառը ազարտային խաղերի պորպագանդան է:
Գովազդային հոլովակում ցուցադրվում է երկու կին՝ գլամուրային և տգեղ: Վերջինս մտնում է Fabulous –ի նախագիծ հանդիսացող «Բինգո» վիճակահանության կայք և վերափոխվում գեղեցկուհու:
Մեծ Բրիտանիայի օրենքով՝ ազարտային խաղի գովազդը չպետք է ցուցադրի, որ դրանում մասնակցությունը մարդկանց հատկանիշները բարելավում է և դարձնում հաջողակ ու սեքսուալ:
Ի աջակցություն գովազդի՝ հանդես են եկել News International կորպորացիայի ներկայացուցիչները: Հենց կորպորացիային էլ պատկանում է ամսագիրը: Նրանք կարգավորիչ մարմնին հայտնել են, որ քննարկվող հոլովակի կանայք Fabulous –ի գովազդային սերիաների մշտաական կերպարներն են: Սյուժեի համաձայն՝ նրանցից մեկը գեղեցկուհու է վերածվում, շնորհիվ ամսագրի պրոմո-ապրանքների և ակցիաների:
Սա ազարտային զվարճանքի գովազդի արգելքի առաջին դեպքը չէ Բրիտանիայում: 2012-ի մայիսին ASA-ն արգելել էր SuperCasino.com ինտերնետ-խաղատան գովազդը:
