Ամերիաբանկը և Երևան Սիթի սուպերմարքեթների ցանցը 2012թ. հունիսի 18-ից թողարկում են համատեղ վճարային քարտ, որը հնարավորություն կտա Երևան Սիթիի հավատարիմ հաճախորդներին իրենց բոնուսային քարտը փոխարինել համատեղ վճարային քարտով և օգտագործել Ամերիաբանկի կողմից տրվող կից վարկային գիծը նշված սուպերմարքեթների ցանցում գնումներ իրականացնելիս: Քարտը պահպանել է նաև ցանցում բոնուսներ կուտակելու հնարավորությունը: Այսպիսով այն ամփոփում է ոլորտների երկու առաջատար ընկերությունների առավելությունները մեկ քարտում:
Քարտը ստանալ ցանկացողները կարող են ձևակերպել այն հենց սուպերմարքեթում` մոտենալով տարածքում տեղադրված Ամերիաբանկի բրենդավորված տաղավարներին:
Մանրակրկիտ մշակված ծրագրի շրջանակներում մինչև տարեվերջ նախատեսվում է թողարկել ավելի քան 10,000 համատեղ վճարային քարտ: