Իսպանական Պամպլոնա քաղաքը պատրաստվում է ամենամյա Սան-Ֆերմին տոնին, որն ավանդաբար գրավում է մեծաթիվ զբոսաշրջիկների:
Տոնի հանգուցալուծումը համարվում է «էնսյերոն»` ցուլերի վտանգավոր վազքը քաղաքի փողոցներով: Այս վտանգավոր սովորույթի մեծ երկրպագուներն ամերիկացիներն են, որոնք կազմում են հյուրերի մեծ մասը: Այս մասին հաղորդում է Travel-ը:
Տոնի ամենահայտնի զվարճանքներից է այսպես կոչված «հրեշտակի թռիչքը» կամ fuenting-ը` գործողություն, որ իր անվանումն ստացել է իսպանական fuente` «շատրվան» բառից ու դրա էությունը Navarreria 5 մետրանոց շատրվանից թռիչք կատարելն է:
Քաղաքի իշխանությունները փորձ էին կատարել արգելել այդ վտանգավոր զվարճանքը, սակայն պամպկլոնայի բնակիչերը, ի նշան բողոքի, թռչում էին տների պատշգամբներից:
Այս տարի` հյուրերին հնարավոր ռիսկի մասին զգուշացնելու նպատակով քաղաքային ադմինիստրացիան պատրաստել է հատուկ բրոշյուրներ անգլերենով, որոնք տուրօպերատորների կողմից բաժանվելու են զբոսաշրջիկներին:
Քաղաքում կտեղադրվի շատրվանից թռչող երիտասարդ մարդու պաստառ` No. Don’t do it (Ո՛չ, մի՛ արա այդ) գրությամբ:
Բացի այդ` զբոսաշրջիկները կտեղեկանան նաև, որ ամեն տարի մեծ թվով զբոսաշրջիկներ ստանում են վնասվածքներ ու որ շատրվանից թռչելու համար սահմանվում են տուգանքներ:
