Ամերիկյան Ջորջիա նահանգի տրանսպորտի դեպարտամենտը մերժել է Ku Klux Klan-ին (աջ ծայրահեղական 3 խմբավորումների միավորում) մասնակցել ավտոճանապարհների մաքրման ծրագրին: Այս մասին հայտնում է Fox News-ը:
Նման որոշման մասին հայտնի է դարձել հունիսի 12-ին: Դեպարտամենտի տարածած հայտարարությունում ասված է, որ անկարգություններ հրահրող կազմակերպությունը կարող է բացասաբար անդրադառնալ նահանգի բնակիչների կյանքի որակի վրա: Հայտարարությունում նաև ասված է, որ ճանապարհների մաքրությունը կազմակերպության անդամների կողմից, ինչպես նաև կլանի խորհրդանիշը կշեղեն վարորդների ուշադրությունը:
Ծրագիրը, որին ցանկանում էին մասնակցել Ku Klux Klan-ի անդամները, նախատեսում է, որ մասնակիցները պետք է հետևեն իրենց մաքրած տարածքի հետագա մաքրությանը, փոխարենը այնտեղ կտեղադրվի ցուցանակ՝ մասնակիցների անուններով:
Ինչպես տեղեկացնում է Associated Press-ը՝ նման որոշում է կայացվել դեպարտամենտի ներկայացուցիչների, իրավաբանների և նահանգապետ Նաթան Դիլի բանակցությունների արդյունքում:
Մերժման վճիռը ենթական է բողոքարկման: 2001 և 2005 թվականներին կազմակերպությունը բողոքարկել էր մերժումն ու մասնակցել ճանապարհամաքրման ծրագրերին:
