Իրանի տարբեր շրջաններում վերսկսվել են էլեկտրաէներգիայի ամենօրյա անջատումները, ինչի հետևանքով թաղամասերն օրական մոտ երկու ժամ մնում են առանց հոսանքի։
Տեղի բնակիչները Iran International-ին հայտնել են, որ լույսերը հիմնականում անջատում են երեկոյան ժամը 18:00-20:00-ն ընկած ժամանակահատվածում, երբ առևտրի կետերում ամենաակտիվ աշխատանքային ժամերն են։
Գործարարների խոսքով՝ գնաճի և ցածր գնողունակության պատճառով առանց այդ էլ տուժող բիզնեսը հիմա կրկնակի վնասներ է կրում, քանի որ հոսանքազրկումները փախցնում են վերջին հաճախորդներին և էլ ավելի բարդացնում իրավիճակը։
