Ռուսական Regnum լրատվական գործակալության փոխանցմամբ՝ Թուրքիայի ղեկավարությունը մեծապես գնահատում է Թաթարստանի Հանրապետության հետ գործարար շփումները: Այս մասին Ստամբուլում Թաթարստանի նախագահ Ռուստամ Միննիխանովի հետ հանդիպման ժամանակ հայտարարել է Թուրքիայի էկոնոմիկայի նախարար Զաֆեր Չաղլայանը:
Միննիխանովը հայտարարել է, որ Թաթարստանը թուրքական բիզնեսի համար հանդիսանում է Ռուսաստանի ամենահասկանալի տարածաշրջանը: Նա հավելել է, որ Թաթարստանը թուրքական ընկերությունների համար կարող է ծառայել ելակետային դեր՝ ռուսական շուկա դուրս գալու համար:
Չաղլայանն իր հերթին հայտարարել է, որ համայն աշխարհում Թուրքիայի կատարած ներդրումները կազմել են 15 միլիարդ դոլար, որից 1 միլիարդ դոլարը բաժին է ընկել Թաթարստանին, ինչը շատ բան է վկայում:
