Էլիզաբեթ ΙΙ թագուհու գահակալության ադամանդե հոբելյանի առիթով Իտալիայում «հայրենասիրական» կոշիկների արտադրություն է սկսվել: Ինչպես գրում է Daily Mail-ը, Մեծ Բրիտանիայի դրոշը հիշեցնող կոշիկները, որոնք պատված են 3000 Swarovski բյուրեղներով, արժեն 3000 ֆունտ ստեռլինգ (4644 դոլար), իսկ թավշյա կոշիկները՝ 1500 ֆունտ: Կոշիկները բոլոր նրանց համար են, ովքեր պատրաստվում են հունիսի 3-ին միանալ միապետի գահակալության 60-ամյակի առիթով անցկացվելիք միջոցառումներին:
Դիզայներ Արունա Սեթի կոշիկները սահմանափակ քանակով են արտադրվել: Կոշիկները ձեռագործ են: Մեկ զույգի պատրաստման վրա 2 շաբաթ է ծախսվել: Կաշվե ներդիրներով կոշիկները, չնայած բարձրությանը, շատ հարմարավետ են: Կոշիկներն արդեն Լոնդոնում են:
Դիզայները թագավորական ընտանիքի համար օտար չէ: Քեմբրիջի դքսուհու քույրը՝ Պիպա Միդլթոնը, թագավորական հարսանքից հետո Բուքնգհեմյան պալատում կազմակերպված ընդունելության ժամանակ կրել է նրա կարած սանդալները:
Արունայի զարդերից ու աքսեսուարներից են օգտվում նաև արքայադուստրեր Եվգենիան և Բեատրիսը, դերասանուհիներ Քեյթ Հադզոնը, Գոլդի Օունը և այլք: