Արմավիրի մարզում տեղացած առատ ձյան հետևանքով ասօր վաղ առավոտից ճանապարհները անանցանելի են եղել։
Մենք դիմեցինք Արմավիրի վարչական շրջանի մարզպետարանի մամուլի քարտուղար Հերմինե Վարդանյանին պարզելու համար, թե ինչ աշխատանքներ են տարվում ձյան հետևանքով առաջացած խոչընդոտները հաղթահարելու ուղղությամբ։
Նա մեզ հետ զրույցում նշեց, որ վաղ առավոտից սանմաքրման աշխատանքներ են տարվել թե՛ գյուղերում, թե՛ քաղաքի ներսում։ Այնուհետև ճանապարհներին աղ ու ավազ են ցանել։ Արդյունքում, այս պահի դրությամբ, ճանապարհները բաց են։
Սակայն աշխատանքները կշարունակվեն, մինչև ձյունը դադարի։ Նրա խոսքերով, Էջմիածնում ճանապարհները անհամեմատ ավելի լավ վիճակում են։
Ինչ վերաբերում է, այն հարցին, թե երթուղայինները, այնուամենայնիվ, գյուղի բնակիչներին կսպասարկե՞ն, Հ. Վարդանյանը պատասխանեց, թե ամեն ինչ արվում է, որ գյուղերին սպասարկող երթուղայինները նախկինի պես աշխատեն։
